Hirugarren Sektoreko Hiztegi Teknikoak harrera ona izan du
Atzo aurkeztu zen Bilboko Bolunta Boluntariotza Agentziaren egoitzan EDE Taldeak egin duen Hirugarren Sektoreko Hiztegi Teknikoa. Argitalpena Labayru Ikastegiarekin lankidetzan burutu da.
Argitalpenak harrera ona izan du Bizkaiko entitateen artean. Atzo, izan ere, Bizkaiko hainbat entitatetako ordezkariak izan ziren aurkezpen ekitaldian.
Ekimena EDE Fundazioko eta Suspergintza Elkarteko Euskara Batzordeak bideratu du eta Eusko Jaurlaritzaren eta Bizkaiko Foru Aldundiaren diru-laguntzak jaso ditu.
Hiztegiak (euskara-gaztelania, gaztelania-euskara) Hirugarren Sektoreko hainbat esparruetako makian bat termino biltzen ditu, 4000tik gora sarrera, hain zuzen. Paperean plazaratu da eta eskuragarri dago doan Hirugarren Sektorean aritzen diren entitate eta profesionalentzat.
Interesa agertzen duen orok ere eskura dezake EDE Taldeko edozein entitaterekin harremanetan jarriz gero. Era berean, hiztegia EDE eta Suspergintzaren webguneetan sareratuko da pdf formatuan.
