Profesionalentzako prestakuntza

Pertsonei eta erakundeei zuzendutako prestakuntza zerbitzua da, langileen gaitasunak eta kualifikazioak hobetzeko.

Lanerako prestakuntza

Prestakuntza ekintza hauek kualifikazio akademiko egokia ez duten eta ondorioz lana aurkitu ezin duten pertsonei prestakuntza eskaintzera zuzenduta daude.

Ibilbide pertsonalak eta lan-merkatuaren beharrak hartzen ditugu kontuan.

Doako prestakuntza da eta Administrazio publikoen edo EAEn ospea duten erakundeen (EJ, BFA, BBK Gazte Lanbidean...) errekonozimendua eta laguntza ekonomikoa dute. Hainbat “ekintzako” erakundeen (Zerbitzu Sozial Integratuak, Asociación de Iniciativa Gitana, Suspergintza Elkartea, Cáritas,...) babesa edo adostasuna ere badute.

Egin diren ikastaro batzuk:

• Tratu txar egoeran eta gizarte-esklusio egoeran dauden Emakumeekin esku-hartzea
• Erakundeak eta Proiektu Sozialak Emakumeek kudeatuta
• Kultura arteko Ekimenen sustatzaileak
• Etxeko laguntzako laguntzaileak.
• Gazte-sustatzaileak
• Dinamizatzaile soziokulturalak
• Eskolaz kanpoko jardueretako monitoreak
• Psikologoak adineko pertsonen egoitzetarako

Etengabeko prestakuntza

Erakundeei zuzendutako prestakuntza eskaintza da, beren langileen gaitasunak eta kualifikazioak hobetzeko. Prestakuntza indibiduala eta beren erakundeen lehiakortasun handiena bateragarri egiten ditu.

Gizartegintzarako Prestakuntza Irekia

Gizarte erakundeen beharrak artatzera begira eta planteamendu, tresna edo teknika berriagoak eskaintzeko asmoa duena. Urtean zehar hainbat prestakuntza-ekintza eskaintzen ditu. Ekintza horiek Web orri honetan kontsulta daitezke.

Erakundeentzako berariazko prestakuntza

Erakunde eta enpresa askok arazoak dituzte data eta eduki itxiak dituzten prestakuntza planetan parte hartzeko. Zerbitzu honek Prestakuntza Arloko edozein ikastaro erakunde eta enpresen beharretara egokitzeko aukera eskaintzen du, edukiak, ordutegia eta datak moldatuz.

Horretaz gain, Etengabeko Prestakuntzaren Kudeaketa Globalerako aukera ere eskaintzen du, Fundación Tripartita-rena edota Hobetuzena (edo baliokidea).
 
Etengabeko prestakuntzaren eskaintza honetara dago bideratuta:

1. Adingabekoekiko esku-hartzearen arloan diharduten erakundeak.
2. Familiekiko Esku-hartzean diharduten erakundeak.
3. Zerbitzu gerontologikoak eta soziosanitarioak eskaintzen dituzten erakundeak.
4. Aisialdi eta animazio soziokulturaleko elkarte eta enpresak.
5. Genero-ikuspuntua garatu nahi duten erakundeak.
6. Pertsona ezinduekiko esku-hartzea duten erakundeak.
7. Inmigrazio arloan diharduten erakundeak.
8. Ikastetxeak.